ތ. ވިލުފުއްޓާއި އިތުރު ހަތަރު ރަށެއްގައި އެއާޕޯޓު އެޅުމުގެ މަސައްކަތް އެމްޓީސީސީއާ ހަވާލުކޮށްފި

ބުރާސްފަތި ދުވަހު އެމްޓީސީސީއާ ހަވާލުކޮށްފައި ވަނީ، ށ. މިލަންދޫ، ށ. ބިލެތްފަހި، ށ. ކޮމަންޑޫ، ތ. ގުރައިދޫ އަދި ތ. ވިލުފުށީގައި އެއާޕޯޓު އެޅުމުގެ މަސައްކަތެވެ. މި އެއާޕޯޓުތަކުގެ ތެރެއިން ތ. ގުރައިދޫ އާއި ށ. މިލަންދޫގައި އެއާޕޯޓު އަޅައިދެއްވުމަކީ، ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ރިޔާސީ އިންތިޚާބުގެ ކެމްޕޭނުގައި އެރަށްރަށުގެ ރައްޔިތުންނަށް ވެވަޑައިގެންނެވި ވަޢުދެކެވެ. އެހެން އެއާޕޯޓްތަކަކީ ކުރީގެ ސަރުކާގައި އިއުލާނު ކުރެވުނު މަޝްރޫޢުތަކެއް ނަމަވެސް އެ އެއާޕޯޓްތައް އަޅުއްވައި ދެއްވުމަށް ރައީސް ޑރ. މުޢިއްޒު ވަޢުދުވެވަޑައިގެންނެވިއެވެ.